Otabekov Tamirbek

Ishtirokchi haqida

Otabekov Tamirbek — 12 yoshda, Toshkent shahridagi 91-maktabning 7-sinf o'quvchisi. U 4 yoshidan taekvondo bilan shug'ullana boshlagan va 8 yildan ortiq vaqt davomida mahoratini oshirish ustida tinimsiz ishlab kelmoqda. Tamirbekning asosiy yutug'i — 2023-yil noyabr oyida bo'lib o'tgan O'zbekiston Respublikasi chempionatida birinchi o'rinni egallaganidir; mamlakat chempioni bo'lganidan o'zini baxtli his qilgan va buni tinimsiz mehnatining mukofoti deb biladi. Uning uchun yana bir muhim g'alaba — Livanda bo'lib o'tgan Osiyo chempionatida sovrinli o'rin egallaganidir. Bu musobaqada raqiblari Xitoy, Qirg'iziston va Koreyadan kelgan ishtirokchilar bo'lib, g'alaba uchun kurash oson kechmagan, biroq Tamirbek yarim finalda raqibiga atigi bir ochko bilan mag'lub bo'lgan. U taekvondoda muvaffaqiyatni nafaqat mahorat, balki omad ham hal qilishini ta'kidlaydi. Hozirda Tamirbek keyingi musobaqalarga tayyorgarlik ko'rmoqda va trenerlari xalqaro darajadagi sport ustasi unvoniga ega bo'lishi uchun hujjatlarni tayyorlamoqda. U keyingi musobaqalarda a'lo natijalar ko'rsatishni istaydi va bu yo'lda qat'iyat bilan yanada ko'proq harakat qilishga tayyor. Shuningdek, u doimo qo'llab-quvvatlagani uchun otasiga hamda sportchilar uchun yaxshi sharoit yaratganlari uchun Prezidentga minnatdorchilik bildiradi va tengdoshlariga ham erishgan yutuqlarida to'xtab qolmay, o'z ustlarida yanada ko'proq ishlashlarini tilaydi.